Umutoza wa Arsenal yasanganywe icyorezo cya Coronavirus

Umutoza Mikel Arteta w’ikipe ya Arsenal,yapimwe asanganwa icyorezo kibi cyane gihangayikishije isi cya COVID-19 giterwa n’agakoko kabaye icyamamare ka Coronavirus we n’umukinnyi wa Chelsea ukina asatira Callum Hudson-Odoi.

Uyu mutoza yasanganwe iki cyorezo nyuma y’aho Premier League yari imaze akanya itangaje ko imikino yose yo mu mpera z’iki cyumweru uzaba.

Arteta n’abandi bakinnyi bose n’abantu bo mu ikipe ya Arsenal bamaze kwiha akato nyuma yo kumusangana iki cyorezo.

Arteta w’imyaka 37 abaye umutoza wa mbere wemejwe ko yanduye iki cyorezo ndetse niwe muntu wa mbere cyafashe mu bantu bagera kuri 60 basuhuzanyije n’umuherwe wa Olympiakos witwa Evangelos Marinakis wari ukirwaye.

 

Chelsea yatangaje ko Hudson-Odoi w’imyaka 19 yasanganywe iki cyorezo cya COVID-19 bituma iyi kipe ifunga ibibuga by’imyitozo.

Ikipe ya Arsenal yagombaga guhura na Brighton kuri uyu wa Gatandatu ariko uyu mukino wasubitswe.

Akimara gusanganwa COVID-19,Arteta yagize ati “Ibi birababaje cyane.Nagiye kwisuzumisha nyuma yo kumva ntameze neza.Nzagaruka ku kazi igihe cyose nzaba namaze kwemererwa.

Muri UK abantu bagera kuri 590 bamaze kwandura mu gihe abagera ku 10 bamaze gupfa bishwe na COVID-19.

Ku isi yose, abantu barenga 5,000 bamaze kwicwa na COVID-19 mu gihe abamaze kuyandura barenga 130,000.

Nubwo iki cyorezo cyamaze gufata intera ndende muri UK,Minisitiri w’intebe Boris Johnson yanze guhagarika amashuri n’imihuro ihuza abantu benshi.

 

Bimwe mu byamamare mu mikino birimo Rudy Gobert ukinira Utah Jazz muri NBA, Fernando Gaviria ukinira UAE Team Emirates muri Cycling,Danielle Rugani wa Juventus n’abandi bamaze kwandura COVID-19.

Biravugwa ko nyuma y’umukino wahuje Liverpool na Atletico Madrid, abantu 10 bo muri iyi kipe ya Liverpool banduye iki cyorezo cya COVID-19.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *