Umuntu wa mbere yishwe na Coronavirus muri Congo

Kuwa Gatanu tariki ya 20 Werurwe 2020, Minisiteri y’ Ubuzima muri Kongo Kinshasa yatangaje ko COVID-19 yishe umuntu wa mbere muri iki gihugu, inavuga kandi ko abandi barwayi bameze neza.

Iyi Minisiteri ntabwo yatangaje amazina y’uyu murwayi gusa ibinyamakuru byo muri iki gihugu birimo na Mediacongo.net byatangaje ko uyu murwayi ari Didier Bandubola wari Umuyobozi Mukuru muri Minisiteri y’ Ubukungu.

Uyu murwayi yafashwe ubwo yari mu butumwa bw’akazi mu Bufaransa, ashyirwa mu kato mu bitaro bya Cinquantenaire, yitabye Imana mu ijoro rishyira kuri uyu wa 21 Werurwe 2020.

Umwe mu bakozi ba Minisiteri y’Ubukungu muri Congo yatangaje ko uyu murwayi atigeze yubahiriza amabwiriza amusaba kuba mu kat kuko tariki 18 Werurwe 2020 yagiye mu biro bye gukora akazi.

Iki gihugu cya RDC cyabaye icya 3 cyo muri Afurika yo munsi y’ubutayu bwa Saharan gipfiriyemo umuntu yishwe na Coronavirus nyuma ya Burkina faso na Gabon na byo haguyemo umuntu umwe umwe yishwe na Covid-19.

Minisitiri w’ Ubuzima Eteni Longondo yatangaje ko ejo habonetse abarwayi 5 bashya ba coronavirus bituma umubare w’abarwaye coronavirus baba 23.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *