Tanzania: Nta mukinnyi wemerewe gusuhuza mugenzi we mbere y’umukino

Ishyirahamwe ry’umupira w’amaguru muri Tanzania (TFF) ryaciye gusuhuzanya n’intoki kw’abakinnyi bikorwa mbere yuko umukino utangira.

Ishyirahamwe TFF ryatangaje ko ryakurikije inama yatanzwe na minisiteri y’ubuzima ijyanye n’ingamba iki gihugu cyafashe mu guhagarika ikwirakwira rya Coronavirus.

Ku munsi wo kuwa kabiri, ni ho hacicikanye amafoto agaragaza Perezida John Magufuli wa Tanzania asuhuzanya n’ikirenge aho gukoresha ikiganza n’umunyapolitiki utavuga rumwe n’ubutegetsi, yagarutsweho cyane ku mbuga nkoranyambaga.

Magingo aya kandi muri Tanzania, nta muntu uremezwa ko yanduye coronavirus, gusa ingamba zo kuyikumira zo zirafatwa kimwe n’ahandi hatandukanye aho no mu Rwanda Minaloc iheruka gusaba abanyarwanda kwirinda gusomana, guhuza imisaya cyangwa guhana ibiganza mu rwego rwo gukumira iki cyorezo.

Ntabwo biramenyekana neza uburyo ubu bwoko bushya bwa coronavirus bwandura buva ku muntu umwe bujya ku wundi.

Ariko izindi virusi zo muri ubu bwoko zandura nk’iyo uwayanduye yitsamuye cyangwa agakorora.

Rero, gukororera no kwitsamurira mu kintu nk’agatambaro k’isuku, kutikora mu maso utakarabye intoki no kwirinda kwegerana n’abantu banduye, ni ingenzi.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *