Nyuma yo kwirukanwa, Guverineri Gatabazi yasabye imbabazi Kagame na FPR-Inkotanyi

Gatabazi Jean Marie Vianey wari umaze imyaka igera kuri itatu ari Guverineri w’Intara y’Amajyaruguru, yasabye imbabazi Perezida wa Repubulika, Paul Kagame, umuryango wa RPF-Inkotanyi n’Abanyarwanda muri rusange ku makosa yakoze.

Mu ijoro ryakeye ni bwo Minisitiri w’Intebe, Dr Edouard Ngirente yatangaje ko Guverineri Gatabazi na mugenzi we Emmanuel Gasana wayoboraga Intata y’Amajyepfo bahagaritswe, “Kubera ibyo bagomba kubazwa bakurikiranweho.”

Ntiharamenyekana amakosa yakozwe

Abinyujije kuri Twitter ye, Guverineri Gatabazi yashimiye Perezida Kagame ku cyizere cyo kumugira umuyobozi w’Intara y’Amajyaruguru , aboneraho gusabira imbabazi amakosa ataramenyekana yakoze.

Gatabazi yagize ati” Ndashimira cyane Nyakubahwa Paul Kagame ku bw’icyizere n’amahirwe yo kuba guverineri w’amajyaruguru mu myaka ibiri n’amezi icyenda ashize, kandi ndashimira abaturage bo mu majyaruguru ku bufatanye bukomeye bwaturanze n’ibyagezweho mu myaka mike ishize.”

“Ndasabira imbabazi buri kimwe n’ibyabababaje byose, Nyakubahwa Paul Kagame, RPF-Inkotanyi n’Abanyarwanda bose, kandi ntegereje ubuzima bwanjye bushya nkorera igihugu cyanjye mu bushobozi mfite, kandi buri gihe nzaba indahemuka kuri Nyakubahwa Perezida na FPR.”

Abenshi mu bakurikira Gatabazi ku rubuga rwa Twitter bamushimiye ku byo yakoreye Intata y’Amjyaruguru, bamusaba ko yatungira agatoki ibitameze Neza abazamusimbura kugira ngo babikemure.

Uwitwa Nshimiyimana Nadjibu yagize ati”Amahirwe masa mu bundi buzima. Mwakoze ibyo mwari mushoboye kandi ibitaragenze neza muzagerarageze, uzabasimbura mumutungire agatoki akosore kandi inama zanyu zizaba zikenewe mu gukomeza kubaka igihugu.”

Karera Eric we yagize ati”Nta byera ngo de! Ariko mu ntara yacu wakoze neza, turagushimiye Gatabazi JMV, twagukundaga.”

Kwizera Bonaventure na we ati”Ntuye mu majyepfo, Arko rwose Gatabazi ndagukunda. Rwose niba hari ibyo nabi uzabisobanure neza tuzongere kukubona mu nshingano nshya.”

Gatabazi Jean Marie Vianey yari umuyobozi w’Intara y’Amajyaruguru kuva muri Kanama 2017, akaba ari inshingano yahawe avuye mu nteko ishinga amategeko y’u Rwanda yari abereye umudepite.

KANDA HANO WIREBERE AGAHINDA K’UYU MWANA, NTUCIKWE!

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *