Nta gishya mbibonamo-Messi ararikocoye avuga kuri Ronaldo

Umukinnyi w’ikipe ya Fc Barcelona Lionel Messi witegura kuzuza imyaka 33 kuwa 24 Kamena yavuze ko Ronaldo iyo atsinze ari ibisanzwe nta gishya kiba kibirimo.

Ibi yabitangaje ubwo yaganiraga n’ikinyamakuru cyo muri Espagne ‘Mundo Deportivo’ dukesha iyi nkuru.
Uyu mukinnyi ufite ballon d’or esheshatu yabajijwe niba atari gutungurwa n’imyitwarire ya Ronaldo utari guhwema gutsinda ibitego muri iyi minsi.

Asubiza agira ati ” Ni ibisanzwe ko Ronaldo akomeza gutsinda , Nta gishya kibirimo ntibitunguranye, Igihe cyose yakinnye mujye mwitegura ko agomba gutsinda.”Akunda gutsinda kandi ni umusatirizi mwiza cyane ntajya azarira imbere y’izamu.” Ronaldo amaze gutsinda mu mikino 11 yikurikiranya muri Shampiyona y’Ubutaliyani. Muri uno mwaka w’imikino kandi amaze kwandikisha ibitego 24 ku izina rye.

Ku rundi ruhande mugenzi we Messi bahora bahanganye amaze gukina imikino 4 nta gitego atsinda , Icyakora amaze gutanga imipira 6 ivamo ibitego mu mikino 3 iheruka.

Twabibutsa ko ikipe ya Fc Barcelona izagaruka mu kibuga kuwa gatandatu taliki ya 22 uku kwezi ikina na Eibar mu mukino wa Shampiyona.
Nyuma y’iminsi itatu gusa iyi kipe izahita ijya mu Butaliyani kwesurana n’ikipe ya Napoli mu mukino wa Champions League. Ntago iyi kipe izabona akanya ko gutora akuka kuko ikigera muri Espagne izahita yakirizwa umukino w’ishiraniro uzwi nka El-Clasico uzayihuza n’ikipe ya Real Madrid ku italiki ya 01/03/2020.

By Philippe Ndayisenga

One thought on “Nta gishya mbibonamo-Messi ararikocoye avuga kuri Ronaldo

  1. Abo bakinyi uko ari babiri bafise aho bakura imbaraga kuko umwami wabo numwe ! Rero uwo mwami wabo arapangira ! Niyompamvu atagitangaza kirimwo kuko umwumwe wese abazi ibizomubako buri mwaka ! Sont des illiminati !!!

Leave a Reply

Your email address will not be published. Required fields are marked *