Nguru urutonde rw’ibihugu bisaga 70 bimaze kugerwamo n’icyorezo cya Coronavirus

Coronavirus ni icyorezo cyugarije isi guhera mu ntangiriro z’uyu mwaka wa 2020, kikaba mu mezi abiri gusa kimaze guhitana abarenga ibihumbi bitatu hirya no hino ku isi.

Hagati mu kwezi k’Ukuboza k’umwaka ushize wa 2019 nibwo Umujyi wa Wuhan mu Bushinwa wagaragayemo indwara y’ibicurane iterwa n’agakoko(virus) katangiye kitwa 2019-nCoV nyuma kaza kwitwa Covid-19.

Mu mpera z’ukwezi kwa Mutarama 2020 Coronavirus yari imaze gufata ibice bitandukanye by’u Bushinwa ndetse imaze no kwambukira muri bimwe mu bihugu bituranye na bwo.

Ibi byatumye Ishami ry’Umuryango w’Abibumbye ryita ku buzima(OMS) ritangaza ko isi yose igomba gufatira ingamba zihuse indwara ya Coronavirus.

Kugeza mu gitondo cyo kuri uyu wa mbere tariki 02 Werurwe 2020 umubare w’abamaze guhitanwa n’iki cyorezo hirya no hino ku isi wari ugeze ku 3,069. Abamaze kwandura baragera kuri 89,779, naho abo byagaragaye ko bamaze gukira bakaba bari 45,501, guha nyuma hari bamwe basuzuma bagasanga ikibarimo.

Kuri ubu Coronavirus imaze kugera mu bihugu 70 byo hirya no hino ku isi, ariko ibimaze gupfusha abaturage benshi ni u Bushinwa bumaze kurenza abantu 2,954 bugakurikirwa na Korea y’Epfo yapfushije abarenga 30.

Coronavirus nta muti nta n’urukingo irabona, ariko hagati aho abaganga barifashisha imiti igabanya ubukana bwa SIDA ndetse n’ibinini bya Chloroquine bivura malaria, umurwayi yagira amahirwe agakira.

Kugeza ubu ibi bihugu bimaze kugaragaramo indwara ya Coronavirus: Ubushinwa (80,026), Korea y’Epfo (4,335), Italy (1,704), Iran(1,501), Diamond Princess (705 ), Japan (256), Germany (150), France (130), Singapore (106), Hong Kong (100), Leta zunze Ubumwe za Amerika (88), Esipanye (86), Kuwait (56), Bahrain (47), Thailand (43), Taiwan (40), u Bwongereza (36), Australia (30), Malaysia (29), Canada (24), u Busuwisi (24), Iraq (21), U.A.E. (21), Norvege (19), Vietnam (16), Autriche (15), Sweden (14), Macao (10), Israel (10), Lebanon (10), u Buholandi (10), San Marino (8), Belgium (8), Croatia (8), Greece (7), Ecuador (6), Finland (6), Oman (6), u Buhinde (5), Mexico (5), Denmark (4), Pakistan (4), Philippines (3), Algeria (3), Azerbaijan (3), Czechia (3), Georgia (3), Iceland (3), Qatar (3), Romania (3), Brazil (2), Egypt (2), Indonesia (2), Portugal (2), u Burusiya (2).

Ibindi bihugu byari bimaze kubonekamo umuntu umwe wanduye Coronavirus. Ibyo ni Afghanistan, Andorra, Armenia, Belarus, Cambodia, Dominican Republic, Estonia, Lithuania, Luxembourg, North Macedonia, Monaco, Nepal, New Zealand, Nigeria, na Sri Lanka.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *