Mu Rwanda, abanduye COVID19 bageze kuri 36, mu gihe abahuye nabo barenga 600

Minisiteri y’Ubuzima yatangaje ko umubare w’abanduye Coronavirus mu Rwanda ugeze ku bantu 36, kuri uyu wa mbere honyine hagaragaye abanduye 17 basanga abandi 19 bapimwemo iriya ndwara mbere.

Benshi mu batangajwe kuri uyu wa mbere ni abavuye i Dubai bagera ku 9. Umuntu umwe gusa ni we wandujwe n’uwo bahuye wavuye wanduriye coronavirus hanze, abandi bose 16 binjiye mu gihugu baramaze kwandura Coronavirus.

Aba bantu bapimwe hagati ya tariki 17-20 Werurwe, 2020 bose bashyizwe mu kato hanashakishwa abo baba barahuye na bo basaga 600.

Imibare mishya y’Ishami ry’Umuryango w’Abibumbye ryita ku Buzima (OMS) igaragaza ko ku Isi abanduye bagera ku 334,981 habariwemo n’abavuwe bagakira, abagera ku 14,652 bahitanywe na Coronavirus, ubu icyorezo kigeze mu bihugu 190.

Leta ya Uganda mu mibare yatangaje kuri uyu wa mbere, muri icyo gihugu habonetse ubwandu bushya bw’abantu 8 bituma abarwaye Covid-19 bagera ku bantu 9 mu minsi ibiri gusa.

Abanduye COVID-19 mu Rwanda bamaze kuba 36

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

One thought on “Mu Rwanda, abanduye COVID19 bageze kuri 36, mu gihe abahuye nabo barenga 600

Leave a Reply

Your email address will not be published. Required fields are marked *