Kigali: CP JB Kabera yasobanuye iby’umusore waraye yiturikirijeho igisasu aho bogoshera

Kuri uyu wa Kane tariki ya 07 Gicurasi, mu masaha ya nimugoroba, ni ho umusore witwa Tunezerwe Jean Paul yinjiranye gerenade mu nzu ikorerwamo ubwogoshi (Salon de coiffure) iherereye mu Karere ka Gasabo ahazwi nko kwa Nayinzira, arayifungura, abari bayirimo bagiye kumufata ngo atayibatera, ihita imuturikana.

Ahagana saa kumi n’ebyiri z’umugoroba wo kuri uyu wa Kane tariki ya 07 Gicurasi 2020,nibwo uku guturika kwabereye ahitwa kwa Nayinzira urenze ku cyapa cy’imodoka.

Umuvugizi wa Polisi y’u Rwanda, CP John Bosco Kabera yabwiye RBA ko umusore witwa Tunezerwe Jean Paul w’imyaka 25 ariwe wariufite icyo gisasu ndetse atari mu mutwe w’iterabwoba nubwo bitaramenyekana aho yakuye iyi gerenade.

Yagize ati ” Ni bya bindi umuntu ashobora gutoragura igikoresho nka kiriya gifite uburemere cyangwa akaba agifite akakitwaza ariko iperereza ry’aho yagitoraguye cyangwa yagikuye riracyakomeza n’inzego zirikora ziri kureba uko byagenze.Ikizava mu iperereza tuzakimenyesha abanyarwanda.

Igikomeye nuko bamwe bavuze byinshi hari abanditse ibintu byinshi n’abavugaga ko hapfuye abantu benshi,nicyo cyari gikenewe ngo abantu basobanukirwe bave mu byavuzwe ko ari umuntu waje ngo ahungabanye umutekano.

Abumvise iyo gerenade iturika nibahumure nta mutekano wahungabanye cyane, nubwo iyo ikintu gituritse bitari bisanzwe bihungabanya umutekano benshi bakibaza ngo habaye iki? abandi bakavuga ngo “Ntabwo mwamenye ko iwacu baje bakayihatera?”.

CP Kabera yakomeje ati “Nibahumure ni Tunezerwe wari uyifite ari muri salon,uyibonye ati nsohokera muri salon,undi agisohoka iba iraturitse iramuturikana ahita anapfa,abandi barakomereka.Ntabwo ari umuntu waturutse iyo ngiyo ngo aje guhungabanya umutekano n’umuntu wari uje kwiyogoshesha muri uriya mudugudu wo muri Ndera.

Abantu nibabona umuntu uteye gutyo dore ko yari afite imiterere ye,abantu batangiye kubivuga n’umubyeyi we yamenyekanye arabivuga.Nibabona umuntu afite ikintu agenda akinisha kimeze nk’igisasu baba bakwiriy kubivuga hanyuma polisi igafasha.”

CP Kabera yabwiye Abanyarwanda ko gutoragura icyo ubonye utanazi atari byo cyane ko iyo ukibonye ugakeka ko ari icyuma cyangwa igisasu ukwiriye gutanga amakuru ku nzego z’umutekano zikaza kureba kitaragira ingaruka mbi ku bantu.

Amakuru avuga ko Tunezerwe winjiranye iyi gerenade muri salon, yamaze kuyifungura itangira gucumba umwotsi, bamubwiye ngo nasohokane ‘icyo kintu’ ihita imuturikana agisohoka.

 

Iki gisasu cyakomerekeje abantu 11 barimo babiri bakomeretse bikomeye nkuko itangazo ryasohowe na Polisi y’igihugu ribitangaza.

KANDA HANO WIREBERE AGAHINDA K’UYU MWANA, NTUCIKWE!

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *