Iran: Abadepite 23 bose banduye icyorezo cya Coronavirus

Inteko ishinga Amategeko ya Iran yatangaje ko abadepite 23 b’icyo gihugu bamaze kwandura icyorezo cya Coronavirus gikomeje guhitana imbaga ku Isi.

Umuyobozi Mukuru wungirije w’Inteko ya Iran, Abdolreza Mesri yabwiye abanyamakuru ko abadepite bagiye banduzwa n’abaturage bagiye bahura na bo mu kazi kabo ka buri munsi.

Ibyo bivuze ko hafi 8% by’abadepite 290 bari mu Nteko Ishinga Amategeko ya Iran bamaze kwandura Coronavirus.

Minisiteri y’Uburezi ya Iran yatangaje ko muri rusange abantu 2336 ari bo bamaze kwandura mu gihe 77 bamaze gupfa.

Mu cyumweru gishize byatangajwe ko visi Perezida w’icyo gihugu, Masoumeh Ebtekar, na we yanduye coronavirus. Yanduye iyi ndwara hashize iminsi ibiri gusa Iraj Harirchi wari washinzwe gukurikirana ikwirakwizwa ry’uburyo bugamije guhashya iyi ndwara na we ayanduye.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *