Copa del Rey: Real Madrid na FC Barcelona zahuye n’uruva gusenya (AMAFOTO)

Nyuma y’igihe kinini ibigugu Real Madrid na FC Barcelona byarigaruriye igikombe cya Copa Del Rey, ku mugoroba wo kuri uyu wa 06 Gashyantare 2020, byombi byasezerewe n’amakipe yishakisha mu mikino ya ¼ cy’irangiza.

Real Madrid iheruka gutwara Copa Del Rey mu mwaka wa 2014 ibifashijwemo na Bale, yatunguriwe ku kibuga cyayo itsindwa ibitego 4-3 na Real Sociedad yarangije umukino ari abakinnyi 10.

Real Sociedad yafunguye amazamu ku munota wa 22 w’umukino ibifashijwemo n’umwana wa Real Madrid, Martin Odegaard 22.

Iyi kipe yari yaje yariye karungu, yatangiye igice cya kabiri iri hejuru bituma Alexander Isak yinjiza ibitego byikurikiranyije ku munota wa 54 n’uwa 56 mu gihe uwitwa Merino ariwe watsinze icya kane cy’agashinguracumu ku munota wa 69.

Real Madrid yari imbere y’abafana bayo yabonye igitego cya mbere imaze gutsindwa 3-0, ibifashijwemo na Marcelo ku munota wa 59. Rodrygo yatsinze icya kabiri kuwa 82 hanyuma Nacho atsinda icya 3 ku munota wa 93.

Muri uyu mukino VAR yanze igitego kuri buri ruhande ndetse waje kurangira Sociedad ihawe ikarita itukura yahawe Andoni Gorosabel ku munota wa 90.


Ku rundi ruhande, Messi na bagenzi be bo muri FC Barcelona,        bahuye n’uruva gusenya kuko batsinzwe igitego 1-0 ku munota wa nyuma na Athletic Bilbao cyatsinzwe na Inaki Williams.

FC Barcelona ifite iki gikombe inshuro 30 mu gihe Real Madrid igifite inshuro 19 mu gihe iyi Athletic Bilbao yakuyemo Barca igifite inshuro 23.

Leave a Reply

Your email address will not be published. Required fields are marked *