Bitunguranye, Minisitiri w’ingabo wa Sudani, yapfiriye muri Sudani y’Epfo

Minisitiri w’Ingabo muri Sudani, Lt Gen Jamal Al-Din Omar, yapfuye urupfu rutunguranye aguye i Juba kuri uyu wa Gatatu.

Minisitiri ushinzwe itangazamakuru muri Sudani y’Epfo, Michael Makuei, niwe wemeje urupfu rwa Lt Gen Jamal. Uyu musirikare yari yaragiye muri Sudani y’Epfo mu biganiro by’amahoro biyobowe na Perezida Kiir, nyuma y’uko imitwe itavuga rumwe n’ubutegetsi ishatse guhungabanya guverinoma y’inzibacyuho iyobowe na Minisitiri w’Intebe, Abdallah Hamdok.

Yari umwe mu bagize akanama gashinzwe ubusugire bw’igihugu kafashe ubutegetsi nyuma y’uko Omar al-Bashir yegujwe umwaka ushize.

Uyu muminisitiri yari amaze iminsi aba muri Pyramid Continental hotel iri i Juba. Ntiharamenyekana impamvu z’urupfu rwe.

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *