Basanze umugore yapfiriye mu nzu ya Padiri, yasize abeshye umugabo ko agiye mu kiriyo

Abantu batari bake bakomeje kugaruka no kwibaza ku myubakire y’iyi minsi, aho umugore cyangwa umugabo atinyuka akabeshya uwo bashakanye akigira mu bidafitiye inyungu umuryango wabo.

Ibi bikomeje kugarukwaho, mu gihe mu gihugu cya Zambia umugore w’imyaka 42 bamusanze mu cyumba cya padiri wa paruwasi gatolika ya Kaunda yapfuye, ngo nyuma y’uko yari yabwiye umugabo we ko agiye mu kiriyo. Polisi y’iki gihugu rero ikaba yatangiye iperereza kuri iki kibazo.

Polisi ya Zambia Esther Katongo yabwiye ikinyamakuru cya Leta ZNBC ko uyu mugore yitwa Monia Mulenga.

Katongo avuga ko umurambo w’uyu mugore wajyanywe mu bitaro bya University Teaching (UTH) kugira ngo ukorerwe isuzuma.

Ihuriro ry’abagore muri paruwasi gatolika byaberemo rivuga ko uyu mugore yari yatumweho na Padiri Mwelwa ku wa Kane mutagatifu.

Umwe mu bazi uyu mugore yagize ati “Yabeshye umugabo we Maurice ko agiye mu kiriyo cy’inshuti ye, ariko birababaje kuba yapfiriye mu nzu ya padiri Abel mu nzu za paruwasi ya Kaunda”.

Uyu muntu avuga ko uyu mupadiri yahamagaye umwe mu bagize ihuriro ry’abagore bo muri iyo paruwasi, ajyana uyu mugore mu bitaro bya Levy Mwanawasa bamupimye basanga yapfuye kare, niko guhita bamujyana mu bitaro bya University Teaching ngo hasuzumwe icyateye urupfu.

Musenyeri wa paruwasi yategetswe kwishyura ibijyanye no gushyingura byose. Kugeza ubu icyateye urupfu rw’uyu mugore ntabwo kiramenyekana hategerejwe ibizava mu isumwa rya muganga.

Owen Mulenga, umugabo wa nyakwigendera avuga ko yari asanzwe abizi ko umugore afitanye umubano wihariye n’uyu mpadiri ati “Tariki 19 Ugushyingo 2019, nibwo nabonye message z’urukundo kuri whatsapp y’umugore wanjye mbona zoherezwa na nomero yanditseho padiri”.

Uyu mugabo avuga ko akibona izo message yari agiye gutandukana n’uyu mugore umugore asaba imbarabazi avuga ko bitazongera ariko ngo nyuma y’ukwezi kumwe byarongeye.

Ati “Umugore wanjye yahoraga ambeshya ko agiye gusenga kandi ajyanye mu malodge n’uyu mupadiri, namubuza akabyita kumubuza kujya mu bikorwa bya kiliziya”.

KANDA HANO WIREBERE AGAHINDA K’UYU MWANA, NTUCIKWE!

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *