Abasore bibye ihene barazica, bababzengurutsa agace bazitwaye ku bitugu no mu ijosi

Abasore babiri bo mu Karere ka Gatsibo mu Murenge wa Rwimbogo bazengurukijwe agasantere kose bazitwaye ku bitugu no mu ijosi ihene kuri buri umwe ndetse banahetse icyuma gitanga ingufu z’imirasire y’izuba nyuma yo kubifatanwa babyibye.

Ku wa Kabiri tariki ya 12 mu Murenge wa Rwimbogo, abasore batandatu bagiye mu Kagari ka Karenge mu Murenge wa Kabarore, bibayo ihene enye ebyiri barazica izindi barazigurisha.

Nyuma bahise berekeza mu Kagari ka Nyamatete k’Umurenge Sacco wa Rwikiniro naho bahiba imirasire ibiri minini barayitwara.

Ubuyobozi n’abaturage batangiye kubashakisha baza kubona babiri muri bo bafite ihene ebyiri ndetse n’ibyo byuma bitanga imirasire y’izuba bari bibye.

Umunyamabanga Nshingwabikorwa w’Akagari ka Nyamatete, Rudacogora Ferdinand, yavuze ko kubatembereza mu muhanda bazitwaye ku bitugu no mu ijosi ibyo bibye, ari ukugira ngo bibere isomo n’abandi.

Ati “Amakuru mfite ni uko bari bibye ihene enye mu Kagari ka Karenge, ebyiri bahita bazica biba n’imirasire ibiri kuri Sacco ya Rwikiniro. Kubafata tukabatembereza kwari ukugira ngo nibura n’abandi bafite uwo mutima babibone bamenye ko amazi atakiri ya yandi kuko byari bimaze iminsi bikorwa, hari ahantu baherutse kwica ihene esheshatu, twashakaga kubereka ko amazi atakiri ya yandi.”

Gitifu Rudacogora avuga ko muri aka gasantere harimo urubyiruko rwinshi rwiganje hagati y’imyaka 16 na 23 rudakora ari nabo benshi bagaragara mu bujura.

Mu ngamba zafashwe harimo kuganiriza ababyeyi babo n’urwo rubyiruko kugira ngo rureke ibikorwa by’urugomo rwirirwamo.

Kuri ubu abafatiwe muri ubu bujura bose hamwe uko ari batandatu bahise bashyikirizwa Polisi ikorera mu Murenge wa Kabarore.

KANDA HANO WIREBERE AGAHINDA K’UYU MWANA, NTUCIKWE!

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *