Abaregwa ‘gukorera Sandrine iyicarubozo’ bamwangije igitsina basabiwe imyaka 25 y’igifungo

Ubushinjacyaha bwasabiye abaregwa bose uko ari 7 buri umwe igihano cyo gufungwa imyaka 25 muri gereza. Ubushinjacyaha buvuga ko iyo Sandrine baza kumwica barigusabirwa igihano cya Burundu.

Umwunganizi mu Mategeko uregera indishyi ahagarariye Sandrine yabwiye Urukiko ko abaregwa bose uko ari barindwi bagize umutwe w’abagizi ba nabi.

Yavuze ko bari bagamije kumwica ati “Kuko hari ikintu bamukubise mu mutwe atakaza ubwenge.”

Ubushinjacyaha mbere yo kuvuga ibihano busabira bariya bantu, bwabwiye Urukiko ko abaregwa mu kwiregura kwabo harimo amagambo yo gushinyagura. Ngo harimo kwishongora.

Abantu bari benshi ku buryo bananiwe gukwirwa mu nyubako yaberagamo urubanza

Ubushinjacyaha bwabwiye Urukiko ko imyaka 25 y’igifungo bwasabiye abaregwa bushingiye ku ngingo ya 171 iya 20 n’iya 21 mu gitabo cy’amategeko ahana y’u Rwanda.

Bariya bakobwa batandatu n’umusore witwa Cyiza, bararegwa ubwinjiracyaha mu bwicanyi giteganywa mu ngingo ya 20, 21 na 107 z’Itegeko Nº68/2018 ryo ku wa 30/06/2018 riteganya ibyaha n’ibihano muri rusange.

Umucamanza yabuze ko urubanza rwaburanishijwe mu mizi kuko abaregwa bose bafatiwe mu cyuho.

Abaregwa bose uko ari batandatu bahakanye ibyaha baregwa.

Abunganira abaregwa basabye Urukiko rwisumbuye rwa Nyarugenge kwiyambura ububasha abaregwa bakaburanira mu Rukiko rw’ibanze rwa Nyarugenge kuko uwahohotewe yakubiswa byoroheje.

Bavuga ko uwakubiswe ntabumuga byamuteye, ndetse ko atapfuye.

Icyamamare hano mu Rwanda Shaddy Boo na we yitabiriye uru rabanza

 

TERA INKUNGA UMUSOMYI.COM UKORA SHARE Y’IYI NKURU KANDI UTANGE IGITEKEREZO CYAWE KUGIRANGO TURUSHEHO KUBAGEZAHO IBYIZA BYINSHI KANDI BIBARYOHERA

Leave a Reply

Your email address will not be published. Required fields are marked *